Ndaj të akuzuarit për posedim të paautorizuar të armëve, J. M. , Gjykata Themelore në Prizren të mërkurën shpalli aktgjykim dënues.
Ai u dënua me 600 euro gjobë, pasi u deklarua fajtor për veprën penale me të cilën ngarkohej.
Me aktgjykimin e shpallur nga gjykatësja Shpresa Emra, arma e cila i është gjetur tani të dënuarit, është konfiskuar në mënyrë të përhershme.
Sipas aktakuzës së Prokurorisë Themelore në Prizren, pas kontrollit që i është bërë Jeton Metës me 9 shkurt 2017, në rrugën “Mbreti Longar” në Prizren, është gjetur se në brez mbante një armë të zjarrit, të markës VLTHER, calibri 9 mm, me numër 88390439.
Armën në fjalë ai e mbante pa autorizim dhe leje të organit kompetent.
Ndryshe, kryesi i veprës penale, “mbajtja në pronësi, kontroll ose posedim të paautorizuar të armëve” nga neni 374 paragrafi 1, i Kodit të Ri Penal të Republikës së Kosovës, dënohet me gjobë ose me burgim deri në pesë vite./betimiperdrejtesi/