Një person i komunitetit boshnjak derisa ishte duke punuar në ndërtimin e një shtëpie dyshohet se nga pakujdesia ka rënë në kontakt me energjinë elektrike dhe për pasojë ka pësuar lëndime, shkruan PrizrenPress.
Ngjarja ka ndodhur dje rreth orës 16:00, në Prizren.
Policia përmes raportit 24 orësh bënë të ditur se viktima fillimisht është dërguar në Spitalin Rajonal në Prizren dhe pastaj në QKUK për tretman të mëtutjeshëm mjekësor, dhe sipas mjekëve gjendja e viktimës është stabile.
Në vendin e ngjarjes përveç njësive policore kanë dalë edhe inspektorati i punës dhe një ekip i KEDS-it.
Lidhur me rastin është informuar edhe prokurori, ndërsa njësitet policore janë duke hetuar rastin. /PrizrenPress.com/