Të akuzuarit Adin Bajra, Almin Bajra, Xhilxhan Rexha, Remis Jusufi, Mirlem Rexha, Ahmet Huduti, Samil Huduti dhe Nedim Huduti, në shqyrtimin e mbajtur të enjten në Gjykatën Themelore në Prizren, u deklaruan fajtor për veprën penale “lëndime të lehta trupore”. Sipas aktgjykimit të shpallur nga gjyqtari Luan Berisha, tetë të akuzuarit u dënuan me nga 6 muaj burgim me kusht. Asnjëri nga ta nuk kishte të angazhuar avokat mbrojtës.
Sipas aktit akuzues, m 12 prill 2014, rreth orës 21:30, në rrugën “Vatrat Shqiptare” në Prizren, në bashkëveprim, të akuzuarit Adin Bajra, Almin Bajra, Xhilxhan Rexha, Remis Jusufi dhe Mirlem Rexha me të akuzuarit tjerë Ahmet Huduti, Samil Huduti dhe Nedim Huduti përleshen mes vete duke i shkaktuar njëri tjetrit lëndime të lehta trupore. Mosmarrëveshja në mes të akuzuarave ishte e më hareshme, ku në një nga lokalet në fshatin Reqan, të akuzuarit kishin përdorur shufra hekuri, duke e lënduar kështu njëri tjetrin.
Prokuroria i ngarkonte të njëjtit me veprën penale “lëndime të lehta trupore” nga neni 188, paragrafi 2, lidhur me paragrafi 1, nën paragrafi 1.4, lidhur me nenin 31 të Kodit të ri Penal të Republikës së Kosovës, e cila dënohet me gjobë ose me burgim deri në një vit./betimiperdrejtesi/