Një grua në Prizren ka raportuar gjatë ditës së djeshme në polici një rast të dhunës në familje.
Sipas njoftimit të bërë nga ana e policisë, viktima e rastit ka raportuar dje rreth orës 11:00 në polici se i dyshuari, anëtar i familjes ka ushtruar dhunë fizike ndaj saj.
“Viktima femër kosovare ka raportuar se i dyshuari mashkull kosovar ka ushtruar dhunë fizike ndaj saj. Viktimës i është ofruar ndihmë mjekësore”, thuhet në raportin 24 orësh të Policisë së Kosovës.
Policia ka bërë të ditur se i dyshuari për këtë rast është intervistuar dhe me vendim të prokurorit është liruar në procedurë të rregullt./PrizrenPress.com/