Gjykata Themelore e Prizrenit ka caktuar masën e paraburgimit ndaj tre të pandehurve, të cilët akuzohen për blerje, posedim, shpërndarje dhe shitje të paautorizuar të narkotikëve.
J. K, GJ. SH. Dhe B. H. u arrestuan më 2 maj dhe masa e paraburgimit është e vlefshme deri më 1 qershor.
Më 2 maj, në orët e mesnatës në Prizren, gjatë bastisjes në shtëpinë që një nga të pandehurit e mbante me qira janë gjetur disa qese marihuanë, si dhe pako me rizlla për mbështjellje të marihuanës dhe po ashtu peshore elektronike.
“Gjyqtarja e procedurës ka vlerësuar se qëndrojnë arsyet për caktimin e paraburgimit, për shkak të peshës së veprës penale dhe dënimi i cili parashikohet për këtë vepër penale të pandehurit mund të vendosin të fshihen në ndonjë vend të panjohur për organet e ndjekjes me qëllim që ti shmanget përgjegjësisë penale, duke marrë parasysh edhe faktin se të pandehurit me rastin e zbatimit të urdhër kontrollit nga ana e Policisë, kanë tentuar të arratisen ashtu që kanë marrë edhe lëndime trupore dhe janë kapur nga zyrtarët Policor”, thuhet nga Gjykata.