Policia në Rajonin e Prizrenit ka arrestuar një person të dyshuar për armëmbajtje pa leje.
Policia ka njoftuar se i dyshuari A.Z dyshohet se në fshatin Korishë të Prizrenit ka kryer veprën penale “lëndim trupor”.
“Personi i dyshuar tashmë i arrestuar dyshohet të jetë përfshirë në një rast dhunës në familje, ku njësitë patrulluese iu kanë përgjigjur rastit, ku viktimën dhe të dyshuarin i kanë shoqëruar në stacionin policor. Viktimës i është dhënë ndihma mjekësore dhe sipas mjekut ajo kishte lëndime të lehta trupore”, thuhet në njoftimin e policisë.
Tutje policia ka njoftuar se viktima gjatë deklaratës deklaruar se është kanosur edhe më parë, ku i dyshuari e ka kanosur edhe me armë.
Policia ka sqaruar se me urdhër të gjykatës është bërë bastisja e shtëpisë, ku është gjetur dhe ka konfiskuar një armë, gjashtë fishekë dhe dy karikatorë.
Me urdhër të prokurorit rasti shkon në procedurë të rregullt.