Komuna e Prizrenit në tri ditët e fundit ka pasur një rritje të rasteve të reja me COVID-19.
Kjo ka ardhur si pasojë e rasteve të shfaqura në repartin e dializës në Spitalin e Prizrenit, ku një pjesë e stafit kishin rezultuar pozitiv me COVID-19, e pas tyre edhe disa pacientë që marrin tretman në këtë repart.
Instituti Kombëtar i Shëndetit Publik sot ka njoftuar se nga 7 rastet e reja me COVID-19, 6 janë nga Komuna e Prizrenit.
Në Prizren deri më sot janë shfaqur 75 raste me COVID-19, nga ta 15 të shëruar, ndërsa janë shënuar 2 viktima, një nga Prizreni dhe një nga fshati Korishë.
Me rastet e reja, Komuna e Prizrenit hyn në rrethin e tre komunave më të prekura nga COVID-19, pas Malishevës e cila ka gjithashtu 75 raste por ka mbi 50 pacientë të shëruar, dhe Komuan e Ferizajt, që ka 98 raste të konfirmuara.
Komuna e Prizrenit që nga data 12 prill është shpallur zonë karantinë.
Ndërsa ky vendim i Ministrisë së Shëndetësisë sot u shpall antikushtetues nga Gjykata.