21.3 C
Prizren
E enjte, 18 Shtator, 2025

Prokuroria heton grupin kriminal që financon “udhëtimet e shtrenjta”

EULEX-kosoveProkurori i EULEX-it, Romulo Mateus, ka konfirmuar hetimet ndaj një grupi të organizuar, që ai e ka quajtur kriminal, e që sponsorizon “udhëtimet e shtrenjta”, shkruan sot Koha Ditore.

Dyshimet ai i ka bërë publike në seancën gjyqësore mbajtur të premten për rastin e Bahrejnit, ku akuzohen pesë persona për grabitjen e 79 orëve të arit të firmës “Rolex” në vlerë 1 milion e 400 mijë dollarë.

Gjatë marrjes në pyetje të dëshmitarit, Alban Beqiri, menaxher i shitjes në agjencinë “Veneta Travel”, e cila kishte bërë aranzhimet e udhëtimeve të katër të akuzuarve në këtë rast, prokurori Mateues ka thënë se vazhdimisht nga pala mbrojtëse po sheh përpjekje për të penguar, siç ka thënë ai, “hedhjen dritë në këto gjëra”.

“Ne po merremi me një grup të organizuar kriminal. Nuk i dimë emrat e të gjithë atyre që bëjnë pjesë në të. Dikush i ka sponsorizuar këto udhëtime të shtrenjta. Kjo është bindja ime. Është një lidhje turke që është duke u hetuar, fatkeqësisht nuk janë gjetur ende prova”, ka thënë ai, derisa iu është kundërpërgjigjur avokatëve, për të cilët pyetjet e prokurorit nuk përkisnin me aktakuzën

Më Shumë

Prizreni ende pa fitore në Ligën e Parë

Prizreni ka përfunduar javën e gjashtë në Raiffeisen Ligën e Parë pa asnjë fitore, duke regjistruar tre barazime dhe tri humbje. Starti i sezonit...

Vreshtarët e Rahovecit ankohen për çmimin e ulët të rrushit të verës

Pavarësisht pasionit dhe trashëgimisë ndër breza për ta kultivuar rrushin, fermerët e Rahovecit thonë se zhgënjehen kur vjen puna e vjeljes, për arsye se...

Lajmet e Fundit