Partia Shqiptare Demokristiane e Kosovës (PSHDK), thotë se dialogu Kosovë-Serbi është i pafrytshëm.
“Rajoni i Ballkanit ka nevojë për paqe, zhvillim të qëndrueshëm ekonomik. Paqja mes palëve të armiqësuara nuk vjen nëpërmjet retorikës nacionaliste, por nëpërmjet ndëshkimit të së keqes dhe kthimit të shikimit kah e ardhmja evropiane, që është përvojë e mirë dhe frytdhënëse edhe për ne”, thuhet në një kumtesë.
“Kosova dhe Serbia kanë nevojë për paqe të qëndrueshme, e kjo nuk arrihet nëse palët nuk janë të afta të kërkojnë falje, të ndëshkojnë të kaluarën dhe të mësojnë nga ajo. Për më tepër, kërkimfalja është vlerë evropiane, së cilës duhet t’i besojmë nëse sinqerisht duam të hyjmë në këtë familje”.