Filatelia e Postës së Kosovës ka promovuar sot një pullë postare që i kushtohet aktorit tonë me famë botërore, Bekim Fehmiut.
Në këtë promovim kanë marrë pjesë zyrtarë të lartë të Qeverisë së Kosovës, si dhe familjar, miq të aktorit Bekim Fehmiut.
Kryeshefi ekzekutiv i PTK-së, Sejdu Hoxha, tha se ndjehet jashtëzakonisht i lumtur që PTK arriti ta promovoj këtë pullë me emrin dhe figurën e Bekim Fehmiut.
Ndërsa, djali i vëllait të Bekim Fehmiut, Agon Fehmiu, i ka përshëndetur dhe falenderuar të pranishmit për këtë nder që ia kanë bërë axhës së tij dhe e ka lexuar letrën e bashkëshortes së Bekim Fehmiut, Branka Petriç, për të cilën tha se nuk mundi të jetë e pranishme.