20.8 C
Prizren
E mërkurë, 17 Gusht, 2022

Qeveria ndan edhe 35 milionë euro për zbatimin e Pakos për Ringjallje Ekonomik

Qeveria e Kosovës ka zhvilluar mbledhje elektronike, në të cilën ka miratuar tri vendime.

Me vendimin e parë të miratuar në mbledhjen e sotme, me propozimin e Ministrisë së Financave, Punës dhe Transfereve, është emëruar kryeinspektori i Inspektoratit të Punës në Kosovë, thuhet në komunikatë.

Sipas vendimit, Hekuran Nikçi është emëruar në këtë pozitë për një mandat katërvjeçar. Kryeinspektori i emëruar, sipas këtij vendimi, do të kryejë detyrat dhe funksionet e përcaktuara me Ligjin për Inspektoratin e Punës.

Derisa, siç thuhet në komunikatë, qeveria i ka ndarë edhe 35 milionë euro për zbatimin e Pakos për Ringjallje Ekonomike

Pas shqyrtimit të kërkesës së Ministrisë së Financave, Punës dhe Transfereve, është miratuar vendimi për ndarjen e mjeteve buxhetore për zbatimin e Pakos së Ringjalljes Ekonomike për masën 3.6 – Mbështetja e likuiditetit familjar dhe masën 4.4 – Mbështetja e sigurisë. Sipas vendimit, janë ndarë 35 milionë euro (35,000,000,00 euro) për zbatimin e masave për shtimin e mbështetjes për qytetarët e Republikës së Kosovës dhe 35 mijë euro (35,000.00 euro) për mbështetjen e Ministrisë së Mbrojtjes në kuadër të masës për mbështetjen e sigurisë.

Në këtë mbledhje elektronike po ashtu janë miratuar në parim kërkesat e ndërmarrjeve publike për huamarrje deri në 34 milionë e 275 mijë euro (34,275,000.00 euro), thuhet tutje.

Për KOSTT Sh.A. është aprovuar vlera e huamarrjes deri në 26 milionë e 500 mijë euro (26,500,000.00 euro) ndërkaq për Telekomin e Kosovës Sh.A., 7 milionë e 775 mijë euro (7,775,000.00 euro).

Më Shumë

Sot starton Serie A, Milan dhe Inter kërkojnë fitore

Më në fund, tifozët e futbollit italian do të shijojnë magjinë e Serie A. Java e parë do të jetë e ndarë në tre...

Begaj e përmbyll vizitën në Kosovë duke qëndruar tek Lidhja e Prizrenit

Presidenti i Shqipërisë, Bajram Begaj, e ka përmbyllur vizitën në Kosovë duke qëndruar në Kompleksin e Lidhjes së Prizrenit. Kjo është vizita e tij e...

Lajmet e Fundit