Rektori i Universitetit “Ukshin Hoti” në Prizren, Prof. Dr. Ramë Vataj, Sekretari i Përgjithshëm z. Burim Berisha, njëherësh kryetar i KQZ-së, të shoqëruar nga bashkëpunëtorët të enjten kanë bërë monitorimin e mbarëvajtjes së procesit të zgjedhjeve për Këshilla studentore të fakulteteve dhe për Parlamentin studentor.
Rektori Vataj është siguruar se procesi po zhvillohet pa probleme. Ai ka kërkuar nga ana e anëtarëve të këshillave zgjedhore nëpër fakultet që të kujdesën që procesi zgjedhor të përmbyllet komfor rregullave përkatëse.
Rektori Vataj njëkohësisht u ka bërë thirrje të gjithë studentëve që të shfrytëzojnë të drejtën e tyre të votës dhe të zgjedhin më të mirët në mesin e tyre që do t’i përfaqësojnë për dy vitet e ardhshme. Vendvotimet mbeten të hapura deri në orën 18:00.