Deputeti i VV-së, Arbër Rexhaj, në interpelancën ku po diskutohet për 53-milionëshit ndaj kompanisë Bechtel-Enka, ka thënë se punëtorët e kësaj kompanie paguhen pak, punojnë pa pushim dhe disa nga ta vdesin e lënë gjymtyrët në vendin e punës.
“Edhe në Bechtekl-Enka punëtorët paguhen pak, punojnë pa pushim javor, mujor e vjetor, pa kushte të punës pa siguri, pa ambient e strukturë pune të sigurtë. Shumë prej tyre vdesin e lënë gjymtyrët në vendin e punës. Raste të till kemi kudo në Kosovë”, tha Rexhaj në Kuvend Transmeton Gazeta Express.
Ai ka përmendur rastin e 17 vjeçarit nga komuna e Prizrenit, Seldin Alija që punonte një fabrike të stiroporit ku edhe vdiq ditën e dielë.
“Seldin Alija punonte e shpesh herë e ka zevëndësuar edhe babain për të financuar shkollimin. Askush nuk do të dëshironte një fat të tillë për djalin e vet këtu në sallë. Po t’i shihni pamjet nuk do të bënin qetësi derisa drejtësia të vihej në vend” , u shpreh Rexhaj.
“Punëtori i pambrojtur ka pagën 130 euro në muaj”, përfundoi ai. /Gazeta Express