9 C
Prizren
E mërkurë, 14 Maj, 2025

Rexhep Selimi e luti Jakup Krasniqin që ta fuste policinë në seancën e Kuvendit ?

Kryetari i Këshillit Kombëtar të Nismës për Kosovën, Jakup Krasniqi sot përmes një postimi në Facebook ka sqaruar momentin e votimit të Marrëveshjes së 19 prillit të vitit 2013, si dhe ndërhyrjen e sigurimit për t’i larguar nga foltorja deputetët e Vetëvendosjes.

“Deri sa unë po mendoja edhe në dorëheqje (ishin shumë miq që nuk më patën lënë të dorëheqësha edhe para kësaj seance), mora telefonat nga një deputet i VV-së, ai kërkoi nga unë: “që të intervenoja me polici se ata nuk po dinin sesi të dilnin nga situata në të cilin ishin futur”. Vetëm pas kësaj telefonate, u kam thënë policisë së Kuvendit që të ndërhynin në largimin e deputetëve të VV-së. Deputetët edhe nuk kanë bërë ndonjë rezistencë. Pra, sikur mos të ishte kërkesa e deputetit të VV-së, kurrën e kurrës nuk do ta urdhëroja ndërhyrjen e policisë në Kuvend!”, ka shkruar Krasniqi.

Indeksonline merr vesh se ky deputet që e thirri në telefon Krasniqin dhe kërkoi nga ai futjen e policisë në Kuvend është Rexhep Selimi.
I kontaktuar nga Indeksonline, Jakup Krasniqi nuk e ka mohuar se Rexhep Selimi e ka thirr në telefon.

“Për këtë më mirë pyetni ata të Vetëvendosjes. Unë as nuk po e konfirmoj as nuk po e mohoj, mirëpo ata e dinë më së miri. Ata pasi po flasin le të tregojnë pse e kanë bërë. Atyre duhet tua drejtoni pyetjen”, ka thënë Jakup Krasniqi për Indeksonline.

Më Shumë

Ndërron jetë mësimdhënësi nga Prizreni,Fatih Lubiçeva

Ka ndërruar jetë mësimdhënësi i njohur nga Prizreni, Fatih Lubiçeva. Lajmin për vdekjen e tij e ka konfirmuar Drejtoresha e Drejtorisë Komunale të Arsimit në...

Sulmohet zyrtari policor në Rahovec

Një mashkull kosovar është arrestuar pasditen e djeshme në Rahovec, për veprën sulm ndaj personit zyrtar. I njëjti sipas raportit, ka sulmuar fizikisht zyrtarin policor,...

Lajmet e Fundit