Pa dyshim që këngëtarja shqiptare është Ambasadorja më e mirë e Kosovës dhe pse ka pak ditë që e ka marrë këtë titull. Bëhet fjalë për Rita Orën, e cila së fundi në top-listat europiane krahas flamurit të Britanisë së Madhe, po prezantohet edhe me atë të Kosovës.
Top-listat e Spanjës, përkatësisht “La Lista de Extios”, ka renditur në vendin e shtatë këngën “Balck Widow”, të cilën këngëtarja shqiptare e ka sjell në bashkëpunim me këngëtaren australiane, Iggy Azalea.
Kjo top-listë spanjolle krahas këngës, tregon edhe prejardhjen e artistit, e cila shfaqet Ritën mes dy flamujsh, atë britanik dhe atë të Kosovës. Vlen të theksohet se në këtë top-listë, aktualisht kënga e Ritës renditet në vendin e shtatë.