Me kërkime për burime të reja , “Hidroregjioni Jugor“ në Prizren , ka rritur kapacitetet e ujit edhe per 160 litra në sekond. Vetem në dhjetëditeshin e fundit janë hapur tre burime, në lokacione të nrdyshme në Prizren. Drejtori i Hidroregjionit Jugor, Besim Baraliu, thote se brenda muajit janar, orari i reduktimeve të ujit të pishjëm do të hiqet edhe n dy lagjet e Prizrenit, “Tusus“ dhe“ Pantali“.
Kompania Rajonale e Ujësjellësit “Hidroregjioni Jugor”, ka vazhduar me kërkimet për burime të reja të ujit. Pas punës së suksesshme kjo kompani në komunën e Prizrenit ka arritur që të gjejë gjatë këtyre ditëve tre burime me rreth 160 litra në sekond.
Besim Baraliu, drejtor ekzekutiv i Kompanisë “Hidroregjion Jugor“, thotë se ky burim i ujit do ta rrit cilësinë e furnizimit me ujë të qytetit të Prizrenit.
Drejtori Baraliu thotë se, “Pjesa e qytetit që furnizohet nga 40 bunarë ka ujë 24 orë pa ndërprerë, ndërsa burimet e reja të gjetura do ta shtojnë furnizimin edhe të pjesës tjetër të qytetit. Hulumtimet dhe gjetja e burimeve të reja është bërë me mjete vetanake të Kompanisë. Kohët e fundit inkasimi i mjeteve ka ardhur në rritje, nga 40% e pagesave janë paguar mbi 70 % e tyre”, tha Baraliu për RTK-në.
Vetëm për një muaj kjo kompani paguan rreth 96 mijë euro rrymë elektrike. Drejtori Baraliu, apelon tek konsumatorët që të jenë të kujdesshëm me pagesat , pasi vetëm kështu mund të kenë ujë 24 orë.