Zyrtarë të Lidhjes Demokratike të Kosovës (LDK) kanë demantuar kreun e PDK-së, Hashim Thaçi, i cili ka deklaruar ditë më parë se në marrëveshjen për bashkëqeverisje ndërmjet dy partive përfshihet edhe posti i presidentit.
Haki Rugova, nënkryetar i LDK-së, ka deklaruar për “Zërin” se posti i presidentit nuk është pjesë e marrëveshjes për bashkëqeverisje që është nënshkruar javën e kaluar, ndonëse nuk e ka përjashtuar mundësinë se këtë mund ta bëjnë vetëm dy liderët partiakë (Mustafa e Thaçi), përmes një marrëveshje interne. “Le ta bëjnë ata dy atë marrëveshje. Kjo për ne nuk paraqet asnjë problem”, ka thënë Rugova.