22.5 C
Prizren
E martë, 16 Shtator, 2025

Rusia nis armëpushimin e përkohshëm, ani se Ukraina e refuzoi

Presidenti rus Vladimir Putin ka urdhëruar ministrin e tij të mbrojtjes të vendosë një armëpushim 36 orësh në vijën e frontit të Ukrainës.

Armëpushimi – nga ora 12:00 me kohën e Moskës – përkon me Krishtlindjet Ortodokse Ruse.

Putin i kërkoi Ukrainës që të përgjigjet, por Kievi e refuzoi shpejt kërkesën.

Presidenti i Ukrainës Volodymyr Zelensky tha se armëpushimi ishte një përpjekje për të ndaluar përparimet ushtarake të vendit të tij në lindje të vendit.

Deklarata e Kremlinit duket se theksonte se Putin urdhëroi trupat e tij të ndalonin luftimet, jo sepse ai po de-përshkallëzohej – Putini nuk de-përshkallëzohet kurrë – por sepse ai kishte dëgjuar një thirrje nga kreu i Kishës Ortodokse Ruse.

Patriarku Kirill, më herët gjatë ditës, kishte bërë thirrje për një armëpushim të Krishtlindjeve për të lejuar besimtarët të marrin pjesë në shërbesat për Krishtlindjet Ortodokse.

Urdhri i Putinit i bëri thirrje Ukrainës që të përgjigjet në mënyrë që “numri i madh i besimtarëve ortodoksë të cilët banojnë në zonat ku po zhvillohen armiqësi” të mund të festojnë natën e Krishtlindjeve të premten dhe ditën e Krishtlindjes të shtunën.

Por në fjalimin e tij të natës me video, Presidenti Zelensky tha se Rusia dëshironte të përdorte armëpushimin si mbulesë për të ndaluar përparimet e Ukrainës në rajonin lindor të Donbasit dhe për të sjellë më shumë njerëz dhe pajisje.

Kisha Ortodokse Ruse – më e madhja nga Kishat Ortodokse Lindore – feston ditën e Krishtlindjes më 7 janar, sipas kalendarit Julian.

Më Shumë

E pse qenka i ndershëm Albin Kurti?

Nga Ben Blushi Para kosovarëve shumë popuj kanë patur fatkeqësinë të drejtohen nga një njeri i papërshtatshëm. Ka qëlluar që kryeministrat janë të paaaftë siç është...

20-shi i LDK-së, Dr. Fejzë Kabashi, prezanton planin për shëndetësi në rajonin e Hasit: Shërbime të përditshme për çdo lokalitet

Kandidati i Lidhjes Demokratike të Kosovës (LDK) për Kuvendin Komunal të Prizrenit, Dr. Fejzë Kabashi, ka publikuar një plan e tij të detajuar për...

Lajmet e Fundit