12 C
Prizren
E hënë, 17 Mars, 2025

Rusia njofton se do të nisin shumë shpejt vaksinimin e popullsisë kundër Covid-19

 

Vaksinimi në masë i popullsisë kundër koronavirusit me vaksinën ruse “Sputnik V” do të nisë në fund të këtij viti ose në fillim të vitit të ardhshëm.

Aleksandër Gintsburg, drejtues i institutit Gamaleja në Moskë që zhvilloi këtë vaksinë, thotë për mediat vendase se kjo vaksinë është 100% efektive. Sipas Gintsburgut, vaksina mbron të vaksinuarit nga të gjitha sasitë e dozave të virusit me të cilat ata mund të jenë përballur.

Kreu i institutit Gamaleja thotë se vaksina është në fazat përfundimtare të testeve, gjatë të cilave synohet të vërtetohet se vaksina nuk jep efekte anësore të rrezikshme. Sipas tij, Sputnik-V e ka vërtetuar këtë.

Të shtunën, revista prestigjioze shkencore Lanset publikoi një raport ku flitej për rezultatet pozitive të kësaj vaksine. Kjo trumpetohet edhe nga kreu i institutit Gamaleja.

Megjithatë, në shkrimin e kësaj reviste citohen vetëm rezultatet e publikuara nga Ministria ruse e Shëndetësisë, që për OBSH-në janë prova të pamjaftueshme për t’i dhënë zyrtarisht Rusisë trofeun e vaksinës së parë kundër COVID-19 në botë.

OBSH, por edhe qeveri e ekspertë të ndryshëm në Perëndim, hedhin dyshime për efektshmërinë e vaksinës, pasi thonë se Sputnik –V nuk i ka përfunduar ende të gjitha provat klinike dhe autoritetet ruse janë nxituar në regjistrimin e kësaj vaksine.

Injektimet e para të vaksinës do të nisin në Tetor me kategoritë më të rrezikuara.

Më Shumë

Kurti mori pjesë në iftarin tradicional të shtruar nga shoqata ESNAF në Prizren

Kryeministri Albin Kurti mori pjesë në iftarin tradicional të shtruar nga shoqata ESNAF në Komunën e Prizrenit. Ai theksoi rëndësinë e muajit të Ramazanit, duke...

Prizreni i jep lamtumirën Mexhit Çurdinës, legjendës së sporteve në natyrë

Veterani prizrenas i sporteve, Mexhit Çurdina ka ndërruar jetë në moshën 80 vjeçare dhe është varrosur të mërkurën në Prizren. Gjatë ditës institucione e organizata...

Lajmet e Fundit