Kryetari aktual i Komunës së Therandës, Sali Asllanaj, beson se do ta fitojë edhe një mandat të ri qeverisës më 22 tetor.
Në një intervistë për gazetën “Epoka e re”, ai ka thënë se këtë fitore ia garanton puna e mirë që ka bërë në këtë mandat qeverisës. Asllanaj ka thënë se LDK-ja në këtë komunë ka një elektorat besnik.
Ai ka pohuar se, meqë ka përkrahje të madhe nga qytetarët e kësaj komune, nuk befasohet nëse fiton në raundin e parë.
“Sondazhet dhe informatat që kemi nga terreni tregojnë se i kemi mundësitë të fitojmë pa balotazh”, ka thënë Asllanaj.