Kompozitori Shpëtim Saraçi ka folur për herë të parë për sëmundjen e tij, e cila shkaktoi shumë shqetësim në opinionin publik.
“Kalova një ishemi cerebrale, e cila më ka prekur sistemin e koordinimit dhe shpresoj me një rikuperim të ngadaltë, por të sigurt. Së paku kështu është edhe prognoza,” thotë ai për Panoramën.
“Ky moment më shërbeu për të vërtetuar lidhjen e fortë që kam me besimin në Zot. Por më shërbeu për të kuptuar edhe më fort vlerën e familjes”.
“Fatmirësisht mund të konfirmoj që lista e miqve të mi pas kësaj situate mua m’u bë më e gjatë se më parë dhe sinqerisht dua të falenderoj të gjithë. Ka pasur edhe zhgënjime, por kam dëshirë t’i lë në mjerimin e tyre”.