Ish-lideri i Lidhjes Demokratike të Kosovës (LDK), Fatmir Sejdiu, ka kërkuar nga udhëheqja aktuale e LDK-së që të mos përfshihet në listën për deputetë për zgjedhjet e përkohshme parlamentare, që do të mbahen më 8 qershor.
Kryetari i Lidhjes Demokratike të Kosovës (LDK), Isa Mustafa, ka thënë se e ka kontaktuar Sejdiun, por ai sot ka kërkuar që të mos përfshihet në listën për deputetë, derisa të kthehet nga një udhëtim zyrtar. Mustafa ka thënë se do ta shohim vullnetin e tij, pasi të kthehet nga udhëtimi zyrtar.
“Nëse ka ai vullnet që të përfshihet në listë, ne kemi lënë hapësirë për të, por çdo gjë varet nga vendimet e tij”, ka thënë Mustafa, pasi ka treguar se Këshilli i Përgjithshëm i LDK-së, me unanimitet të plotë, pa asnjë votë kundër, e ka miratuar listën e kandidatëve për deputetë të Kuvendit të Kosovës./Epoka e RE/