Analisti amerikan Daniel Serwer duke komentuar raportin e Clint Williamson ka thënë se fushata e dhunës kundër disa shqiptarëve dhe joshqiptarëve menjëherë pas ndërhyrjes së NATO-s kundër ish-Jugosllavisë, ka qenë e njohur qysh atëherë.
Ai ka thënë se në vjeshtën e vitit ’99 ka paralajmëruar se koha e përgjegjësisë do të vije një ditë për shumë pjesëtarë të UÇK-së.
“Unë kam paralajmëruar më shumë se një pjesëtar të UÇK-së në verën dhe vjeshtën e vitit 1999 se koha e përgjegjësisë do të vijë një ditë” ka shkruar ish-diplomati amerikan.
Duke analizuar shpalosjen e të gjeturave të raportit të Williamson, Serwer ka shkruar se ajo që ka ndodhur dje ka qenë diçka e pazakontë pasi prokurorët nuk e bëjnë publik qëllimin për ngritjen e aktakuzave ndaj individëve anonimë.
Por, Williamson, sipas tij, ka pasur nevojë të tregojë se çka është arritur e çka jo, pasi po bëhet gati për ta lëshuar detyrën.
Serwer më pas shkruan se dhuna kundër joshqiptarëve dhe disa shqiptarëve menjëherë pas luftës së NATO-s kundër Jugosllavisë ka qenë e njohur mirë.
“Unë kam paralajmëruar më shumë se një pjesëtar të UÇK-së në verën dhe vjeshtën e vitit 1999 se koha e përgjegjësisë do të vijë një ditë”, ka shkruar ai.
Duke komentuar rreth çështjes së trafikimit të organeve, Serwer ka rikujtuar gazetarin Michael Montgomery, i cili ishte marrë me këtë çështje, e që nuk kishte pasur dëshmi të mjaftueshme për të publikuar një artikull.
Por, çka dëshmon hetimi që ka kryer Williamson?
“Disa pjesëtarë të UÇK-së kanë kryer krime. Disa kanë vrarë njerëz për t’i marrë organet. Kjo egërsi është akt i fëlliqur” ka shkruar ai, transmeton Gazeta Express.