Japonia ka shënuar 71-vjetorin e sulmit amerikan me bombë bërthamore në qytetin e Nagasakit.
Në këtë ceremoni ishin mbledhur mijëra të pranishëm që përfshin edhe persona të moshuar që i kanë mbijetuar sulmit dhe familjarë të viktimave, raporton Rel.
Ata e kanë mbajtur një minutë heshtje në orën 11:02, kohën e saktë kur ka ndodhur shpërthimi i bombës.
Rreth 74 mijë persona kanë vdekur si pasojë e shpërthimit, derisa mijëra të tjerë kanë vdekur gjatë muajve dhe viteve më pas si pasojë e rrezatimit.
Sulmi ka ndodhur tre ditë pasi SHBA-ja e kanë hedhur bombën e parë bërthamore në Hiroshima, që ka vrarë 140 mijë njerëz.
Më 9 gusht, kryetari i Nagasakit, Tomihisa Taue e ka lavdëruar vizitën e presidentit amerikan, Barack Obama në Hiroshima, që përbente vizitën e parë të një presidenti amerikan sa është në detyrë.