Trupa e Teatrit Profesional të Prizrenit do të ngjitën në skenën e Teatrit Kombëtar të Kosovës, për të prezantuar shfaqjen komedi “Shërbëtori i dy zotërinjve” të autorit Italian Carlo Goldon, në regji të Kushtrim Bekteshit.
Kjo shfaqje vë në pah intrigat njerëzore, interesin dhe dashurinë, ku në qendër të rrëfimit është vendosur një shërbëtor, i cili, duke u munduar t’u shërbejë dy zotërinjve për të përfituar sa më shumë, me naivitetin e tij shkakton aq shumë ngatërresa sa gati i çon personazhet e tjera në tragjedi.
Ekipi i aktorëve të kësaj shfaqjeje është i përbërë nga: Ernest Malazogu, Xhejlane Tërbunja, Muhamet Arifi, Afrim Muçaj, Alban Morina, Zanë Duraku, Hajat Toçilla, Fetah Paçarizi, Alban Krasniqi dhe Alban Çela.
Shfaqja prezantohet më 14 nëntor, me fillim nga ora 20:00.