16.8 C
Prizren
E premte, 30 Shtator, 2022

Shpresa e Dragashit

Nexhat Isufi BD DragashKandidati i Bashkimit Demokratik(BD) për kryetar të Dragashit, Nexhat Isufi garanton se do t’ia kthej shpresën e humbur qytetarëve të këtij qyteti. Ai thotë se në këtë qytet është degraduar çdo gjë nga pushteti aktual i PDK-së.

“Gjithçka do të fitoj Dragashi me BD-në në pushtet. Këtij qyteti do t’ia kthejmë krenarinë dhe shpresën e humbur të qytetarëve”, thotë Isufi për “PrizrenPress”.

Ai premton se do të punojë në rritjen e punësimit dhe përmasimin e shkollimit, shëndetësisë, infrastrukturës dhe mirëqenies sociale.

“Domosdoshmërish duhet të kthehet qeverisja e mirë në Dragash. Ka ardhur koha kur duhet njëherë e përgjithmonë të funksionojë çdo arterie për këta qytetarë që janë maltretim nga pushtetet e kaluara”.

Kandidati Isufi premton se do të punojë me ndershmëri. Ai nuk frikësohet nga kundërkandidatët e partive të tjera. ”I respektoj kundërshtarët, por nuk frikësohem aspak, sepse jam i sigurt në fitore”.

Isufi premton se do të luftojë edhe korrupsionin që është instaluar në Komunën e Dragashit. ”Korrupsioni ka marrë forma të ndryshme në Dragash, prandaj do të luftohet fuqishëm dhe do të ketë zero tolerancë për korrupsionin”. Ai fton qytetarët e Dragashit që me 3 nëntor të votojnë Bashkimin Demokratik./PrizrenPress.com/

Më Shumë

SBASHK-u nuk ndryshon qëndrim: Greva vazhdon

Sindikata e Bashkuar e Arsimit dhe Shkencës e Kosovës  ka bërë të ditur se greva në arsim do të vazhdojë. SBASHK-u me anë të një...

Komuna e Rahovecit dhe USAID-i nënshkruajnë memorandum bashkëpunimi

Kryetari i Komunës së Rahovecit, Smajl Latifi ka pritur sot në takim zyrtarë nga USAID-i, në krye me drejtoreshën Jennifer Ober me ç’rast nënshkruan...

Lajmet e Fundit