13.8 C
Prizren
E enjte, 28 Mars, 2024

Shtegtimi i bagëtive, kryetari i Prizrenit kërkon mirëkuptim nga qytetarët për blegtorët

Kryetari i Komunës së Prizrenit, Mytaher Haskuka, lut të gjithë qytetarët për mirëkuptim, dhe sidomos vozitësit për kujdes të shtuar, sepse gjatë këtyre netëve do të shihni dhe ndëgjoni këmbana të tufave të dhenve nëpër rrugët e qytetit tonë.

Ai ka bërë me dije se të gjithë blegtorët, sipas nevojës, mund të kërkojnë asistencë edhe nga Policia e Kosovës përgjatë shtegtimit të tyre, transmeton PrizrenPress.

Postimi i plotë i Haskukës:

Njoftim për blegtorët e Komunës së Prizrenit

Po e lëmë pas një sezon dimëror, me përplot sfida për bujqit në përgjithësi dhe blegtorët tanë në veçanti.

Është pikërisht koha kur bagëtitë e regjionit të Prizrenit shtegtojnë drejt kullotave malore të bjeshkëve të Sharrit.

Si qytet specifik për kultivimin e dhentarisë, gjatë këtyre netëve do të shihni dhe ndëgjoni këmbana të tufave të dhenve nëpër rrugët e qytetit tonë.

Blegtorët tanë të vyeshëm, po i lënë shtëpitë dhe familjet e tyre për t’u kthyer sërish në vjeshtë. Andaj, i lus të gjithë qytetarët për mirëkuptim, dhe sidomos vozitësit për kujdes të shtuar.

Të gjithë blegtorët, sipas nevojës, mund të kërkojnë asistencë edhe nga Policia e Kosovës përgjatë shtegtimit të tyre.

Ju priftë e mbara!

Fotografia e Mytaher HaskukaFotografia e Mytaher Haskuka

Më Shumë

Krasniqi në 25 vjetorin e masakrave në Rahovec: Sot dhe gjithmonë, i kujtojmë me nderim dhe respekt ata që u flijuan për këtë ideal

Kryetari i Partisë Demokratike të Kosovës, Memli Krasniqi ka përkujtuar masakrat në fshatrat e Rahovecit, ku mbeten të vrarë 68 civilë në Fortesë, 75...

243 drunj në nderim të 243 të vrarëve në Krushë të Madhe

Shpimi i tokës duket jo i lehtë. Megjithatë në të po vendoset një dru dekorativ. Në parkun para shkollës fillore “Bajram Curri” në Krushë të Madhe...

Lajmet e Fundit