22.8 C
Prizren
E hënë, 8 Gusht, 2022

Shtëpia e Bjeshkatarëve në Prizren, së shpejti me terrene rekreative

Shtëpia e Bjeshkatarëve-PrizrenShtëpia e Bjeshkatarëve në Komunën e Prizrenit, së shpejti do të bëhet më terrene rekreativ. Këtë projket do ta realizojë Qendra Europiane për Ruajtjen e Natyrës nga Holanda në bashkpunim me Komunën e Prizrenit. Projekti do të kushtojë mbi 40 mijë euro dhe do të përfundojë brenda tetorit, si dhe do t’i lihet në shfrytëzim pushuesve dhe Shoqatës së Bjeshkatarëve “Sharri” falas.

Shtëpia e Bjeshkatarëve ndodhet në Grykën e Lumëbardhit, në largësi vetëm 15 kilometra, nga qyteti i Prizrenit dhe pak kilometra nga rajoni i Opojës së Dragashit. Kjo shtëpi, është rindërtuar pas luftës së fundit, dhe ka 13 dhoma gjumi, ku janë të vendosur 70 shtretër, për turistë malor.

Shpresa Doda, që është përballur me një sëmundje të rëndë, kohë më parë, beson se ajri i pastër dhe veçoritë klimatike të këtij vendi, bënë që ajo të rimkëmbet. Që nga ajo kohë, Shpresa, së bashku me bashkëshortin, janë frekuentues të rregull të kësaj natyre të bukur, transmeton RTK.

Por, në një terren të tillë, që shfrytëzohet më së shumti nga anëtarët e Shoqatës së Bjeshkatarëve dhe personat me probleme shëndetsore, nuk ka asnjë ambient rekreativo- sportiv. Për këtë Komuna e Prizrenit dhe Qendra Europiane për Ruajtjen e Natyrës, kanë nënshkruar një marrveshje bashkpunimi ku pjesë e tij është edhe ndërtimi i objekteve rekreative-sportive në Shtëpinë e Bjeshkatarëve.

Këto terrene do të menaxhohen nga Shoqata e Bjeshkatarëve ”Sharri” dhe do të jetë në shërbim të qytetarëve, falas.

Ngritja e këtyre objekteve rekreativo-sportive do ndikoj drejtpërsëdrejti në shtimin e numrit të pushuesve dhe shfrytëzimin e kapaciteteve të Shtëpisë së Bjeshkatarëve. Do të zhvillohet eko-turizmi, në këtë pjesë të rajonit të Prizrenit, e cila deri më tani pothuajse është e paeksploruar nga pushuesit.

Më Shumë

“Loyola–Gymnasium” në Prizren shpall konkurs për mësimdhënës/mësimdhënëse

Asociation “Loyola–Gymnasium” ka shpall konkurs për mësimdhënës/mësimdhënëse. VENDE TË LIRA PUNE Asociation “Loyola-Gymnasium” shpall të lira këto vende pune: 1. Një mësimdhënës ose mësimdhënëse të matematikës (me...

Një viktimë dhe 930 raste të reja me COVID-19 në Kosovë

Ministria e Shëndetësisë njofton se gjatë 24 orëve të fundit një person ka humbur jetën nga COVID-19. Gjatë këtyre orëve janë regjistruar 930 raste të...

Lajmet e Fundit