Mbledhja e Kuvendit të Komunës së Malishevës, për zgjedhjen e kryesuesit të kuvendit, është shtyrë, për shkak të vazhdimit të konsultimeve mes subjekteve politike, që janë të përfaqësuara në Kuvendin e Komunës së Malishevës, për arritjen e një marrëveshje mes tyre, për zgjedhjen e një kryesuesi konsensual.
Sipas shefit të grupit të IQM-së, si grupi më i madh i përfaqësuar në Kuvendin e Komunës në Malishevë, z.Avdi Morina, “Grupi i IQM-së, kërkon edhe 24 orë kohë, për vazhdimin e konsultimeve me subjektet tjera, për zgjedhjen e një kryesuesi konsesual”.
Mbledhja e Kuvendit të Komunës, për zgjedhjen e kryesuesit, pritet të vazhdoj gjatë ditës së nesërme.