Nëndega e fshatit Janqisht e Komunës së Malishevës ka njoftuar për shuarjen e aktivitetit të saj brenda PDK-së, duke u bërë kështu nëndega e 13 që ndahet dhe fillon aktivitetin e saj brenda Iniciativës Qytetare.
Sipas njoftimit të kryesisë së kësaj nëndege, vendimi është marrë pas mbajtjes së mbledhjes. Gjatë ditës, kryeparlamentari Jakup Krasniqi kishte thënë se e përkrah çdo iniciativë qytetare.
PDK-ja ka gjithsej 43 nëndegë në Malishevë. Sipas Artan Hotit nga kjo iniciativë gjatë javës pritet edhe vendimi prej tri nëndegëve të tjera për bashkimin në këtë subjekt, transmeton indeksonline.
PDK-ja në Malishevë ka zyrtarizuar si kandidat për Isni Kilaj, kurse Iniciativa Qytetare për Malishevën,Ragip Begajn. Një kandidat tjetër është i Vetëvendosjes, Alban Krasniqi.