26.8 C
Prizren
E martë, 16 Shtator, 2025

Shuhet ylli i Tik-Tokut – Devonne DJ David

Një familje nga Gjeorgjia është në zi për humbjen e djalit të tyre 11-vjeçar, Devonne David, i njohur si Devonne DJ David, i cili vdiq natën e “Halloween-it” pasi u përplas nga një makinë, ndërkohë që ishte një yll në ngritje në rrjetin social të Tik-Tokut.

Policia e vendit, tha se Devonne po qëndronte në trotuar me fëmijët e tjerë vetëm pak çaste para përplasjes, e cila ndodhi kur ai doli në rrugë për të kaluar në pjesën tjetër.

 

“Në vendngjarje oficerët zbuluan se një mashkull 11-vjeçar ishte goditur. Nga hetimet paraprake u konstatua se këmbësori kishte qëndruar në trotuar me disa fëmijë të tjerë, duke festuar Halloween”, thuhet në një deklaratë nga Departamenti i Policisë së Atlantës.

“Këmbësori doli në rrugë për të kaluar në ‘Memorial Dr’, ku edhe u godit nga një automjet. Shoferi qëndroi në vendngjarje dhe këmbësori u dërgua në spital ku u shpall i vdekur. Nuk parashikohen akuza në këtë aksident”, thuhej tutje në deklaratë.

Ndërkohë, ndjekësit e Devonne DJ David janë shprehur të pikëlluar për ndarjen nga jeta të yllit të TikTokut, i cili me videot e tij kishte arritur të krijonte një audiencë të gjerë.

Po ashtu, një fushatë e “GoFundMe” ka filluar të mbledh fonde për të ndihmuar familjen e tij dhe ka mbledhur mbi 6 mijë dollarë që nga nata e së hënës.

“Më 31 tetor, familja jonë pësoi një tragjedi të tmerrshme, duke shkurtuar jetën e Devonne Malique David”, thuhet në një përshkrim në faqen e shkruar nga tezja e Devonne.

“Po mbledh fonde për vdekjen e papritur të djalit të motrës sime. Ne vlerësojmë çdo kontribut, me çdo fond të mbetur që shkon në një llogari për nënën e tij”, shtoi ajo.

Më Shumë

Muharremaj: Suhareka me internet falas në hapësira publike

Kryetari i Komunës së Suharekës ka bërë të ditur se tashmë qytetarët dhe vizitorët do të kenë mundësinë të shfrytëzojnë internet WIFI falas në...

Pesë vite më parë, mbylli perden përgjithmonë aktori Adem Mikullovci

Më 15 shtator 2020, pikërisht sot para pesë viteve, vdiq aktori Adem Mikullovci. Ai iku për t’u përjetësuar gjithmonë përmes veprave që la pas...

Lajmet e Fundit