Komuna e Prizrenit ka arritur të shuajë një zjarr që kishte filluar dje në bjeshkët e Pashtrikut.
“Pas zjarrit që ka kapluar bjeshkët e Pashtrikut, Drejtoria e Emergjencës dhe Njësiti i Zjarrfikësve, dje gjatë ditës kanë arritur ta vënë nën kontroll zjarrin dhe deri në orën 21:00 e kanë shuar atë në tërësi”, thuhet në njoftimin e komunës.
Sipas njoftimit, gjatë ditës gjithashtu ka pasur zjarr pranë fshatit Dobrusht, i cili po ashtu është neutralizuar.
Nga informatat e para është mësuar se zjarri është shkaktuar nga instalimet elektrike, ndërsa pos dëmeve materiale nga djegia e pyjeve nuk ka pasur dëme të tjera.