Yann Sommer ka treguar se një transferim te Inter-i është në planet e tij.
Portieri i Bayern Munich-ut, Sommer duket se është afër një kalimi te Inter-i, me raportet që pretendojnë se dy klubet janë afër një marrëveshjeje.
“Ka disa ditë që flitet. Të shohim çfarë do të ndodhë”, ka pranuar vetë Sommer në një intervistë për “Sport1”.
David Raya (Brentford) dhe Giorgi Mamardashvili (Valencia) janë përmendur si zëvendësues të mundshëm të Sommer te Bayern.
Portieri zviceran iu bashkua Bayern-it në janar kur Manuel Neuer mori një dëmtim nga i cili kapiteni bavarez tani është afër rikthimit.
34-vjeçari u paraqit në 25 ndeshje për Bayern-in, duke pësuar 31 gola dhe arriti ta mbante portën të paprekur në tetë raste.
Më herët zvicerani është aktivizuar me skuadra si Basel, Vaduz, Grasshoppers dhe Borussia Monchengladbach.
Sommer numëron 659 ndeshje në të gjitha garat në karrierën e tij, teksa ka pësuar 811 gola dhe ka arritur ta mbajë portën të pastër në 210 prej tyre.Albanian Post