Shoqata e Gjuhës Shqipe e Kosovës, ka njoftuar se sot do të zhvillojë garën e konkursit të kulturës së gjuhës “Gjuhëtari i ri” 2015 në nivel kombëtar.
Sipas komunikatës së shoqatës, gara është organizuar duke pasur parasysh gjendjen e palakmueshme për sa i përket zotërimit të shqipes standarde në të gjitha nivelet e arsimit dhe në përdorimin publik, kjo dhe për shkak të një rënieje të pashpjegueshme të interesit dhe interesimit për të mësuar shqipen standarde.
Gara deri më tani është zhvilluar në shkallë shkolle, në nivel komunal dhe tani në nivel kombëtar.
Fituesi do të shpallet sot, ndërsa çmimin e parë do ta ndajë Arsim Bajrami, Ministri i Arsimit.