18.9 C
Prizren
E enjte, 17 Korrik, 2025

Tagore: Nuk mund ta mbaj mend nënën time

Poezi nga Rabindranath Tagore
Në shqip: Irena Dono

Nuk mund ta mbaj mend nënën,
por nganjëherë në mes të lojës
një melodi duket sikur rri pezull mbi lodrat e mia:
Një melodi e harruar që ajo e kishte aq për zemër,
teksa tundte djepin.

Nuk mund ta mbaj mend nënën time,
por nganjëherë në një ag vjeshte
aroma e jaseminit më mbush dhomën,
si aroma e shërbesës së mëngjesit në tempull
dhe vërshon mbi mua si parfumi i nënës.

Nuk mund ta mbaj mend nënën time,
por ende nganjëherë nga dritarja e dhomës së gjumit,
kur ngre sytë drejt tendës së madhe blu të qiellit
dhe ndijoj në fytyrën time vështrimin e saj të qetë,
atëherë ndiej hirshmërinë e saj të pushtojë qiellin.

Më Shumë

Në përvjetorin e Epopesë së Rahovecit promovohet libri i Prof. Dr. Sabahajdin Cenës

Sot,  shënohet 27 vjetori i Epopesë se Rahovecit, dhe me këtë rast do të promovohet libri i të ndjerit Prof. Dr.Sabahajdin Cena “Proza Popullore...

Joao Aguiar vazhdon misionin: “Braziliani i Prizrenit” gati për sezonin e tretë

FC Prizreni ka konfirmuar vazhdimin e bashkëpunimit me mesfushorin brazilian Joao Aguiar edhe për sezonin e ri, duke hyrë kështu në vitin e tretë...

Lajmet e Fundit