Kryesusi i Kuvendit të Prizrenit, Kujtim Gashi, ka caktuar datën e seancës së jashtëzakonshme, të kërkuar nga opozita. Seanca do të mbahet të martën e javës së ardhshme.
Rendi i ditës do të jetë shqyrtimi i situatës së arsimit, si dhe miratimi i një deklarate me të cilin kërkohet nga kryetari i Komunës Ramadan Muja, shkarkimi i drejtorit të Drejtorisë së Arsimit Nexhat Çoçajt.
Partitë opozitare në Prizren, ndërkaq, dje kanë dorëzuar kërkesën për një seancë të jashtëzakonshme në Kuvend, për të diskutuar rreth arrestimeve të fundit në Drejtorinë e Arsimit.
Kërkesa është nënshkruar nga 14 kuvendarë. /PrizrenPress.com/
