Kryetari i Partisë Demokratike të Kosovës, Hashim Thaçi, në mbledhje me kryetarët e degëve të PDK-së, ku ishin të pranishëm edhe kryetarët e RDK-së, ka kërkuar angazhim dhe mobilizim për të fituar zgjedhjet e ardhshme nacionale.
“PDK angazhohet për një fitore bindëse dhe krijimin e një qeverie që do ta thellojë zhvillimin e Kosovës dhe integrimet euratlantike”, thuhet në komunikatën e lëshuar për media.
Kryetari i PDK-së, njëherësh Kryeministër i Kosovës, Hashim Thaçi foli për të arriturat e fundit të Qeverisë, për miratimin e Ligjit për veteranët e luftës së UCK-së dhe për lehtësirat që u krijuan për studentët e universiteteve publike.
Thaçi kërkoi angazhim maksimal të të gjitha strukturave të PDK-së, për një fitore bindëse që mundëson krijimin e një qeverie të fuqishme, e cila do të punojë në zhvillimin e Kosovës dhe në integrimin e saj në institucionet euratlantike.