Hashim Thaçi ka përsëritur edhe një herë se koalicioni i arritur mes partisë së tij, PDK dhe LDK-së është i bazuar mbi vullnetin demokratik të shumicës të qytetarëve të Kosovës.
Ai, përmes një mesazhi në Facebook, është zotuar se koalicioni do të punojë për zhvillimin ekonomik të vendit, rritjen e mirëqenies së qytetarëve, duke u fokusuar në forcimin e sektorit privat.
“Jemi të përkushtuar të punojmë bashkërisht për zhvillimin ekonomik, rritjen e mirëqenies për qytetarët e tanë, duke u fokusuar në forcimin e sektorit privat, tërheqjen e investimeve të huaja dhe krijimin e vendeve të reja të punës dhe për forcimin e sundimit të rëndit dhe ligjit si parakusht për ambient pozitiv ekonomik. Koalicioni është i bindur se vetëm nëpërmjet forcimit të ekonomisë së tregut të lirë të bazuar në sundimin e rendit dhe ligjit ne do të arrijmë zhvillim të mirëfilltë ekonomik dhe shoqëror”, ka shkruar Thaçi në Facebook.