Tashmë kur presioni ndërkombëtarë ka marrë “hov” ndaj liderëve të subjekteve politike në vend, për të dal nga kriza dhe formimin e institucioneve, më shumë se kurrë, shihet në sfond koalicioni PDK-LDK, ndërsa posti i kryeministrit mbetet të shihet se kujt do i takojë.
Ndonëse Hashim Thaçi, kryeministër në detyrë ka ‘vullnetin’ edhe për një mandat në këtë post, sipas burimeve të brendshme në PDK, një ‘dëshirë’ e tillë mund edhe të mos realizohet .
Ky burim brenda PDK-së ka thënë për Botapress se koalicioni PDK-LDK, do të ndodhë dhe së shpejti do të formohen institucionet , por ka hezituar të konfirmojë nëse kryeministër do të jetë Hashim Thaçi, pavarësisht se ai e kërkon një post të tillë. “Ai po mundohet të jetë në këtë post, por nuk e ka të sigurt” , ka thanë burimi brenda PDK-së për Botapress.