33.2 C
Prizren
E diel, 27 Korrik, 2025

Thaçi nuk tregon se a do të japë dorëheqje nëse akuzohet nga Specialja

Presidenti Hashim Thaçi, nuk është deklaruar nëse zotimi i tij se nuk do të ketë vend në institucione për zyrtarë të akuzuar, vlen edhe për të.

Thaçi për herë të dytë e ka dhënë një premtim të tillë prej se ka marrë detyrën e presidentit.

“Persona me dosje kriminale e njerëz me aktakuza nuk do të ketë në institucione apo në agjenci”, ka thënë ndër tjera presidenti i Kosovës”, ka thënë Thaçi në ceremoninë e organizuar për 8 vjetorin e Kushtetutës gjatë kësaj jave.

Në kabinetin e tij nuk janë përgjigjur nga e marta në pyetjet e Insajderit nëse Thaçi do të japë dorëheqje nëse akuzohet për krime lufte apo krime tjera që dalin nga raporti i Këshillit të Evropës.

Thaçi është nën hetime nga Task Forca Speciale si “kreu i një grupi kriminal” i identifikuar si “Grupi i Drenicës”.

Zyra për media nuk ka folur prej të martës rreth kësaj çështje.

Presidenti i vendit ndërkohë ka folur edhe për ndryshime në Kodin Penal të Kosovës. Ka thënë se është formuar një ekip ekspertësh vendës e ndërkombëtarë.

“Në kuadër të kompetencave që unë kam si president i vendit në të ardhmen e afërt do të fillojë ndryshimet në Kodin Penal të Kosovës, me gjithë se është më i miri në rajon, por kemi vërejtur disa boshllëqe që janë të nevojshme të eliminohen apo disa vrima të cilat janë të nevojshme të plotësohen me disa propozime shtesë”, ka thënë ai në një intervistë për Zërin e Amerikës.

“Do të ulemi të diskutojmë dhe do të propozojmë me gjithë skenën politike që në mënyrë të përshpejtuar të ndodhin ato ndryshime në mënyrë që edhe sistemi i drejtësisë të jetë më efektiv. Që ta plotësojnë njëra tjetrën edhe sistemi prokurorial edhe ai gjyqësor por edhe shtëpitë korrektuese”./Insajderi.com

Më Shumë

NISMA Socialdemokrate zyrtarizon Albulena Balaj-Halimaj si kandidate për kryetare të Prizrenit

Kryetari i NISMA Socialdemokrate, Fatmir Limaj, ka shpallur zyrtarisht Albulena Balaj-Halimaj si kandidate të partisë për kryetare të Komunës së Prizrenit. “Albulena Balaj-Halimaj është një...

Liria dominon miqësoren ndaj Drinit të Bardhë – fiton 4:1 në Prizren

Liria ka shënuar një fitore të merituar në miqësoren e zhvilluar të mërkurën pasdite në stadiumin “Përparim Thaçi” në Prizren, duke mposhtur Drinin e...

Lajmet e Fundit