22.9 C
Prizren
E diel, 31 Gusht, 2025

Thaçi, Kryeziut: Të uroj lehtësi shpirtërore, për humbjen e 3 nëntorit

Hashim Thaci 2Kryetari i PDK-së, Hashim Thaçi i është përgjigjur falënderimit të kandidatit të LDK-së për kryetar të Prizrenit, Eqrem Kryeziut. Ai tha se Eqrem Kryeziu me 3 nëntor do të pësojë humbjen e radhës përballlë kandidatit të PDK-së, Ramadan Muja.

“Kam dëgjuar këto ditë deklarime falënderuese në emrin tim nga oponenti i ricikluar i kandidatit Muja. Unë dua t’i shprehë lehtësi shpirtërore këtij kandidati riciklues të Ramadan Mujës dhe ta sigurojë se do të ketë edhe ma lehtë pas 3 nëntorit, sepse kandidati Muja do t’i fitojë zgjedhjet pa balotazh. Prandaj, i shprehi lehtësi shpirtëror ricikluesit të kandidatit të Mujës, Eqrem Kryeziut”, ka thënë Thaçi për TVB.

Kandidati i LDK-së për kryetar të Prizrenit, Eqrem Kryeziu, ndërkaq javën e kaluar ka falënderuar kryetarin e PDK-së, Hashim Thaçin, për rikandidimin e tretë të Ramadan Mujës. Ai ka vlerësuar se ky rikandidim do të jetë një përparësi për të dhe LDK-në.

“Për mua ky kandidim më duket se më ka dhënë përparësi të mirë. E falënderoj kryeministrin e Kosovës që më këtë rast më ka ndihmuar ,sepse karshi kandidatit Muja besoj se do të fitoj”, ka thënë Kryeziu

Kryetari i PDK-së, Hashim Thaçi ka thënë se rikandidimi i Ramadan Mujës për kryetar të Prizrenit, ka ardhur me kërkesën dhe vullnetin e shumë prizrenasve dhe punës së mirë që ka bërë për dy mandate të qeverisjes.

“Muja ka bërë një punë të mirë për Prizrenin.Ai e ka përkrahjen për Prizrenin Evropian nga të gjitha subjektet politike dhe shoqëria civile si dhe qytetarët”, ka thënë Thaçi. /PrizrenPress.com/

 

 

 

 

Më Shumë

Malisheva nderon Lion Krasniqin, kampion i Gjermanisë në kikboks

Kryetari i Komunës së Malishevës, Ekrem Kastrati, ka pritur sot në një takim të veçantë kikboksierin 12-vjeçar, Lion Krasniqi, nga fshati Pagarushë, i cili...

Prizreni sfidon Ramiz Sadikun në Prishtinë

FC Prizrenit do të zbresë në fushë të mërkurën më 27 gusht 2025, ku do të përballet me KF Ramiz Sadikun në stadiumin “Ramiz...

Era e tokës

Lajmet e Fundit