I cilësuar si nobeli ballkanik, çmimi më i madh letrar në rajon, “Ballkanika”, do të nisë punimet dy ditore të premten në Tiranë, ku nga 5 deri më 7 nëntor do të qëndrojnë autorë të ndryshëm ballkanik që janë kandidatë të këtij çmimi.
Shqipërinë do ta përfaqësojë shkrimtari Ylljet Aliçka me veprën “Valsi i lumturisë”, ndërsa do të përballet me Zdravka Evtimova nga Bullgaria, Dimitrios Stefanakis nga Greqia, Mitko Madzunkov nga Serbia, Mirela Roznoveanu nga Rumania, Dragan Velikic nga Serbia dhe Hakan Gunday nga Greqia.
Fitues i parë i këtij çmimi ka qenë serbi David Albahari, ndërsa shqiptarë fitues kanë qenë Ismail Kadare dhe Fatos Kongoli, ndërsa është kandiduar edhe Ben Blushi. Shkrimtari fitues përkthehet në të gjitha gjuhët e Ballkanit, duke fituar kështu njohje të gjerë.