Tom Cruise zgjodhi të bëjë pa kontrafigurë regjistrimin e kësaj pjese për filmin “Mission Impossible-Rogue Nation”.
Video është publikuar në Youtube, nga Paramount Pictures. Aktori është kapur pas njërës prej dyerve të avionit, në momentin kur ai ngrihet.
“Nuk mund të flija një natë më parë, por kur lindi dita, thashë – Ok – kjo do të ndodhë, unë do ta bëj”.
Ai pranoi se kishte ndjerë jo pak frikë.
“Nëse diçka do të shkonte keq – tha ai – unë nuk do të kisha mundur të ngjitesha në avion, derisa ai të ulej”.
David Vickery, supervizori i efekteve vizuale të filmit, u shpreh i habitur me kurajon e Tom Cruise, për ta përsëritur tetë herë të njëjtën sekuence.
Nuk është hera e parë që aktori zgjedh t’i bëjë pa kontrafigurë disa prej sekuencave më të mira të aksionit, në filmat e tij.