22.7 C
Prizren
E enjte, 11 Shtator, 2025

Totaj befasohet nga Kurti: Na telefonuan të shtunën në mbrëmje, kërkuan takim të dielën

Shaqir Totaj është befasuar nga një telefonatë që pranoi mbrëmjen e së shtunës më 12 gusht. E morën nga kabineti i Albin Kurtit.

Kabineti i kryeministrit i kërkoi atij që ta priste shefin e qeverisë në një takim të nesërmen, të dielën e 13 gushtit, ka treguar Totaj në një intervistë për Radio Televizionin e Kosovës.

Ai e ka cilësuar “befasuese” vizitën e kryeministrit të dielën e kaluar. Ka thënë se është vizita e parë e Kurtit në zyrën e kryetarit të Prizrenit.

“E kishim një vizitë befasuese të kryeministrit në Prizren, sepse të shtunën në mbrëmje na kanë telefonu për t’i pritur në takim të dielën paradite. Edhe e shtuna dhe e diela janë vikend. Shumë lehtë ka mundur të mos jem unë aty fare. Natyrisht që e kemi pranu sepse është kryeministër dhe është një mundësi me bashkëpunu”, ka thënë Totaj në një intervistë për RTK-në të hënën në mbrëmje. “Kjo është vizita e parë. Asnjëherë s’ka qenë kryeministri Kurti në vizitë zyrtare te kryetari i Komunës, e në Prizren ka qenë”.

Totaj ka thënë se në dy vitet e para të mandatit të tij si kryetar i Prizrenit, ka pritur në zyrë shumë ambasadorë e përfaqësues të organizatave të huaja në Kosovë, por vetëm një herë kryeministrin e Kosovës.

Ai ka thënë se për mungesën e bashkëpunimit me nivelin qendror të qeverisjes, i ka informuar edhe ambasadorët e huaj në Kosovë.

“Ambasadorët janë të njoftuar edhe janë të informuar ata”, ka deklaruar kreu i Komunës së Prizrenit./Express

Reklamë

RENELUAL TAHIRI prezenton tipet e banesave në kompleksin “Green Avenue” Blloku B !
Për më shumë informata na vizitoni në pikën tonë të shitjes përballë ‘Premium Park Hotel”.
Si dhe mund të na kontaktoni:
+383 44 128 112 ; +383 49 613 613
Kliko videon 

Më Shumë

Arrestohet në kufi 65-vjeçari i dyshuar për vjedhjen e arkës së bamirësisë në xhaminë e Reçanit të Prizrenit

Një shtetas i Maqedonisë së Veriut, i identifikuar si Z.M., është arrestuar nga Policia e Kosovës në pikëkalimin kufitar të Hanit të Elezit, pasi...

Rexhaj i VV-së thotë se Gjykata Kushtetuese s’bën në asnjë formë të devijoj vullnetin politik të votimit në Kuvend

Tash e disa muaj vendi është në një ngërç institucional. Megjithëse u arrit të zgjedhet kryetari i Kuvendit, sërish nuk u arrit konstituimi i plotë...

Lajmet e Fundit