Një grup prej tre të dyshuarve kanë grabitur një grua. Zëdhënësi i Policisë, Hazir Berisha tha se ngjarja ka ndodhur në rrugën “Jusuf Gërvalla” në Prizren.
“Një grua e cil i ishte duke lëvizur në rrugën “Jusuf Gërvalla” i është grabitur me forcë një zinxhir i artë nga qafa dhe që të tre marrin arratinë”, tha Berisha.
Sipas tij, në ndihmë viktimës përpiqen t’i dalin dy dëshmitarë që e kanë parë ngjarjen.
“Njëri nga dëshmitarët ishte përpjekur ta ndalë të dyshuarin të cilin e kishte kapur për xhaketë por në dorë i kishte mbetur vetëm xhaketa sepse i dyshuari kishte nxjerr krahët dhe kishte ikur”.
“Pas paraqitjes së rastit në Policinë e Prizrenit, konkretisht në sektorin kundër vjedhjeve, është formuar grupi hetimor i cili pas një pune intensive të policëve në rroba civile ka arritur t’i gjej dy prej tre të dyshuarve”.
“Pas arrestimit të tyre është bërë e ditur se të njëjtit janë nga Shqipëria dhe se me vete kishin dokumente të personave tjerë. Policia po punon për arrestimin e grabitësit të tretë. Me urdhër të prokurorit të shtetit, të dyshuarit ndalën nën masën e arrestit policor”./PrizrenPress.com/