Tre të burgosur kanë hyrë në grevë urie në Prizren. Lajmin e ka konfirmuar koordinatori i KMDLNJ-së, Bashkim Kajdomçaj.
“Me 13.02.2015 sipas burimeve të Qendrës Rajonale të KMDLNJ-së në Prizren, tre të dënuar kan hyrë në grevë urie. Shkaku i grevës është shprehje e pakënaqësisë me Gjykatën e EULEX-it, përkatësisht vendimit për plotfuqishmëri”, thotë Kajdomçaj.
“Skender Selmani, Qendrim Rexhaj dhe Abdullah Zogaj të dënuar secili me më shumë se 5 vite burgim, në shkallën e parë nga EULEX-i, janë të pakënaqur me stërzgjatjen e shqyrtimit të plotfuqishmërisë së kësaj lënde nga ana e Gjykatës së EULEX-it”.
“Të njëjtit janë të dënuar nga shkalla e parë nga EULEX për rastin e Dobrosinit”./PrizrenPress.com/