Në oret e para të ditës së sotme, ka ndërruar jetë në vendin e tij të punës, punëtori ndihmës në SHFMU “Luigj Gurakuqi” në Nashec. Në vendngjarje kanë dal edhe zyrtarët policor, të cilët po merren me rastin.
Sipas informacioneve të para, 59 vjeçari Selajdin Thaçi, i angazhuar si punëtor ndihmës në këtë shkollë, pasi ka ndezur kalldajën e ngrohjes ka kolaboruar, dhe është gjetur nga kolegu i tij pa shenja jete, ka bërë të ditur mësimdhënësi i kësaj shkolle, Kurtish Vorfaj, i cili ka edhe lidhje familjare me të ndjerin.
Ai tha gjithashtu, se i ndjeri më herët nuk është ankuar se vuan nga ndonjë sëmundje.
Në vendngjarje kishin dalur policia dhe krim teknika, me ç’rast zëdhënësi i policisë në Prizren, kapiten Hazir Berisha, tha se nuk dihen arsyet e vdekjes së këtij punëtori të kësaj shkollë, duke vijuar se nuk është vërejtur ndonjë shenjë që mund të dyshohet për ndonjë vdekje të dyshimtë.
Në vendin e ngjarjes përveç familjarëve, punëtorëve të shkollës dhe policisë kishin arritur edhe ekspertë të mjekësisë ligjore të cilët kanë konstatuar vdekjen e tij./TVPz/