Me rastin e 17-vjetorin e rënies së dëshmorëve Dalip Behra dhe Bekim Gashi në fshatin Krushë e Madhe, kryetari i Komunës së Rahovecit, Idriz Vehapi me bashkëpunëtorë, sot ka bërë homazhe dhe ka vendosur kurora me lule tek pllaka përkujtimore.
Duke kujtuar kontributin dhe sakrificën e dy dëshmorëve të këtij fshati, kryetari i Komunës së Rahovecit, Idriz Vehapi, ka thënë me se sot kujtojmë veprën e madhe të të gjithë dëshmorëve të rënë për lirinë e Kosovës.
“Jemi sot këtu për të nderuar gjakun e derdhur, të Dalipit, të Bekimit, po ashtu ne sot kujtojmë veprën e madhe të të gjithë dëshmorëve të rënë për lirinë e Kosovës, nderojmë veprën e madhe edhe të profesor Ukishin Hoti, të cilin e kishim ideator për shtetin e Kosovës”, ka tha Vehapi.
Nga një fjalë rasti mbajtën edhe Vajdin Berisha, kryetar i OVL e UÇK-së dhe Albin Kurti, deputet në Kuvendin e Republikës së Kosovës.
Fshati Krushë e Madhe, gjatë luftës ka dhënë 21 dëshmorë, ndërsa në masakrën që forcat serbe e bënë në këtë fshat me 26 mars të vitit 1999, u vranë 241 civil, në mesin e tyre edhe gra, pleq dhe fëmijë. /PrizrenPress.com/