Cody, vëllai i vogël i aktorit të ndjerë Paul Walker, do të luajë edhe në vazhdimet e tjera të “Fast & Furious” duke u bërë një anëtar i ri i ekipit të famshëm të aktorëve që luajnë në filmin e bazuar në garat me automjete.
Duket se 25-vjeçari u ka lënë përshtypje producentëve në xhirimet e “Fast & Furious 7”, ashtu që ata duan ta kenë edhe në filmat e ardhshëm.
Pas vdekjes tragjike të Paul në nëntorin e kaluar, Cody u angazhua që të përfundonte disa skena të rëndësishme të filmit për shkak të ngjashmërisë me vëllanë e tij.
“Karakteri i Paul, Brian O’Conner, do të tërhiqet nga filmi, ndërsa vëllai i tij i vogël do t’i bashkohet ekipit të aktorëve. Kuptohet që Cody nuk është një zëvendësim për Paul në asnjë mënyre, por producentët ishin falënderues që ai u inkuadrua që t’u ndihmonte për përfundimin e filmit dhe Cody është aq i ngjashëm me të dhe ka sharm”, ka thënë një burim për Daily Mail.
Paul Walker ndërroi jetë në moshën 40-vjeçare pas një aksidenti me Porsche GT. Në momentin e aksidentit ai ishte në ulësen e pasagjerit.