9.8 C
Prizren
E premte, 29 Mars, 2024

Veseli viziton bizneset e prekura nga pandemia në Prizren: Qeverisja e dobët po rrezikon bizneset

Kryetari i Partisë Demokratike të Kosovës, Kadri Veseli, ka vizituar sot bizneset e Prizrenit të cilat janë prekur nga Pandemia.

Gjatë kësaj vizite, kryetari Veseli ka theksuar edhe njëherë se propozimet e mangëta të qeverisë nuk po ndihmojnë sektorin privat dhe të punësuarit e këtij sektori. Kryetari Veseli ka thënë se është për keqardhje që bizneset të cilat po vuajnë nga kriza e shkaktuar prej pandemisë, nuk po kanë ndihmë konkrete dhe subvencione të ndryshme dhe fonde direkte.

“PDK-ja është mbështetëse e bizneseve. Qeveria duhet të reflektoj sa më parë dhe të marrë parasysh edhe propozimet tona. Duhet sa më shpejtë të kemi një ndihmë të drejtpërdrejt të bizneseve. Buxheti i Republikës së Kosovës duhet të shpërndahet sa më parë si ndihmë për sektorin privat. Duhet të ketë lehtësira fiskale dhe subvencione të shumta.”, ka thënë kryetari Veseli.

Më tutje, ai ka shtuar se 286 mijë punëtorët e sektorit privat janë fuqia kryesore punëtore në Kosovë dhe shtetit është duke dështuar që t’u dalë në ndihmë kur ata kanë më së shumti nevojë.

Pronari i kompanië “Burak Automotive”, Ediz Cabrati ka falënderuar kryetarin Veseli për vizitën e tij në Prizren. “Është një vizitë mëse e mirëseardhur në këtë periudhë të vështirë për bizneset. E Falënderojmë shumë për mbështetjen kryetarin Veseli dhe shpresojmë që sa më parë të kalojmë këtë situatë.”, ka thënë ai.

Kryetari Veseli ka vizituar edhe disa biznese të tjera në komunën e Prizrenit të cilave u ka ofruar të gjithë mbështetjen e tij në lidhje me vështirësitë të cilat po i kalojnë.

Më Shumë

 Marrëveshje për zhvillim ekonomik dhe inovacion në Prizren

Kryetari i Prizrenit, Shaqir Totaj ka nënshkruar sot një Marrëveshje të Mirëkuptimit me Innovation and Training Park (ITP) dhe Makerspace – Innovation Center Prizren për të bashkëpunuar në agjendën digjitale të...

Marku rikthehet në ring me një super përballje më 31 mars

Florian Marku do të rikthehet në ring të dielën e 31 marsit. Kundërshtari i tij do të jetë Chris Kongo dhe pritet të jetë...

Lajmet e Fundit